ජනශක්ති ලයිෆ් 2025 මධ්‍ය වාර්ෂික සම්මාන උළෙලේ දී විශිෂ්ටයින් අගයයි

ජනශක්ති සමූහයේ (JXG) අනුබද්ධිත සමාගමක් වන ජනශක්ති ලයිෆ්, 2025 සැප්තැම්බර් 8 වන දින මිගමුව ජෙට්වින් බ්ලූ හෝටලයේ පැවති මධ්‍ය වාර්ෂික සම්මාන උළෙලේදී (නිත්‍ය ව්‍යාපාර) සිය කණ්ඩායමේ සුවිශේෂී කර්යසාධනය සැමරීම උත්කර්ෂවත් අන්දමින් සිදු කරනු ලැබීය.

ජනශක්ති සමූහයේ (JXG) ගෞරවනීය නිර්මාතෘ සහ සභාපතිතුමන් වන චන්ද්‍ර ෂාෆ්ටර් මහතා සහ සමාගමේ ඉහළ කළමනාකාරිත්වය මෙම උත්සවය සඳහා සහභාගී වූ අතර. ඉහළ කාර්යසාධනයක් දැක්වූ 120 කට අධික සාමාජික සාමාජිකාවන්ගේ කැපී පෙනෙන දායකත්වය මෙම සම්මාන උළෙලේදී ඇගයීමට ලක් කෙරිණි.

සම්මාන උළෙල අරුත් ගන්වමින්  ඉහළම සම්මාන ලැබූ ජයග්‍රාහක ජයග්‍රාහිකාවන් 60 දෙනෙකුට විශේෂිත තරු පන්තියේ හෝටලයක නවාතැන් ගැනීමේ පැකේජයක් පිරිනැමීම සිදු විය. මෙමගින් සිය සාමාජික සාමාජිකාවන් බලගැන්වීම සහ ඔවුන්ගේ විශිෂ්ටත්වය අගය කිරීම උදෙසා ජනශක්ති ලයිෆ් දක්වන උනන්දුව හා කැපවීම විදහා දක්වයි.  

දක්ෂතා හඳුනා ගැනීම, හැකියාවන් ඉහළ නැංවීම හා වර්ධනය කිරීම සහ සාමූහික සාර්ථකත්වය කෙරෙහි සමාගම දක්වන සැලකිල්ල සහ අවධානය මෙම ජයග්‍රාහී සම්මාන උළෙල තුළින් වඩාත් පිළිබිඹු වේ. 

අවසානයි

ඡායාරූප විස්තරය
ජනශක්ති ලයිෆ් හි අධ්‍යක්ෂ/ප්‍රධාන විධායක නිලධාරී රවී ලියනගේ මහතා උත්සව සභාව ඇමතීම.